AMA SINAKSAK KAN SAIYANG SADIRING AKI

 Ni: Rex Bien Bolima / DZMS
 
17 May 2010, sinaksak kan aki an saiyang sadiri mismong ama matapos na magkapikunan kan nakalihis na aldaw/ sa impormason na narecibe kan dzms news, pinagbubulong ngonian sa ospital an biktimang si wilfredo dog nasa tamang edad asin residente kan brgy san isidro west district matapos na saksakon kan saiyang aking si sandy/ sa inisyal na imbestigasyon kan mga awtoridad naglolowas na nagkaigwa nin mainitan na komprontasyon an dowa sa tahaw kan saindang paghahampangan sa paginom nin bugsok na likido sa laog mismo kan saindang harong/ sa ngonian padagos na pinaglalapag an suspetsado na tulos man na duminolag makalihis an siring na krimen/

Filed under: Crimes, Sorsogon News Updates, AMA SINAKSAK KAN SAIYANG SADIRING AKI

INSIDENTE NIN PAMBABADIL NAEREHISTRO SA GUBAT

Ni: Rex Bien Bolima / DZMS
 
Mon 17, May 2010, Padagos na pinagbubulong ngonian sa ospital an sarong 27 anyos na lalaki matapos na badilon ini kan saiyang kabarangay sa municipio kan gubat kasuudma/ sa report na ipinalowas kan kampo Escudero, personal na nagreklamo si bentuco brgy chairman Rogelio Sarmiento nin shooting incident sa saindang lugar/ an biktima pinagbistong si Noel Nacion na pinagtatawanan sa ngonian nin atensyon medikal sa SPH mantamg an suspetsado pinagbistong si Jason Luna nasa tamang edad asin residente man kan nasabing lugar/ sa ngonian padagis an ginigibong imbestigasyon kan mga awtoridad dapit sa siring na bagay/

Filed under: Crimes, Sorsogon News Updates, INSIDENTE NIN PAMBABADIL NAEREHISTRO SA GUBAT, Shooting incident in Sorsogon

APAT NA INSIDENTE NIN KASULO NAEREHISTRO SA CIUDAD KAN NAKALIHIS NA WEEKEND

Ni: Rex Bien Bolima / DZMS

 
May 17, 2010, Padagos na nagapelar an Bureau of fire protection sorsogon sa mga namamanwaan na maging responsable asin iwasan an pagiging pabaya tanganing makalikay sa peligrong dara kan kasulo/ ini makalihis na makapagrehistro an city fire station nin 4 na insidente nin kasulo kan nakaliahis na weekend/ sinabi ni city fire marshall Renato Marshall enot na naerehistro an makatorotresteng kasulo sa brgy kan piot na nagresulta sa pagkakagadan kan 82-anyos na lolo matapos na matotong nin buhay sa laog kan nasusulong harong/ ini pinagsundan nin saro pang insidente sa brgy kan pangpang kan nakalihis na biernes dahilan sa sinasabing nawalat na uring/ sinabi pa ni marcial pinakahuring insidente nangyari kasubanggi matapos na magleak an LPG sa sarong harong sa isla de higante mantang kinakan man nin kamayo an harong kan sarong narilou hapon kan panlayaan west district sa ciudad nin sorsogon.

Filed under: Crimes, Sorsogon News Updates